Yngstu trippin og folaldsmerarnar eru komin á gjöf. Það er greinilega vinsælt hjá folöldunum að liggja í heyinu og um að gera að nota tækifærið fyrst rúllan rataði ekki í gjafahringinn. Fremstur er Sprettur, það sést í bakið á Konsert u.Tenóri frá Túnsbergi. Kanslari stendur t.h. en blesa er óskírð eftir því sem við best vitum. Kanslari, Sprettur og blesa eru u. Kardinála og eru öll seld.

Við erum ánægð með Kardinála eins og áður hefur komið fram en hann er undan Hágangi frá Narfastöðum og Abbadís frá Síðu. Ekki erum við síður ánægð með afkvæmi hans sem eru stór, falleg og róleg í umgengni enda eru þau flest seld. Blesa óskírða er einstaklega yfirveguð eins og hún sé altamin.

4 af 6 veturgömlum. Bragi, Dís og Næmur eru undan Kardinála. Bragi og Næmur munu eiga framtíðarheimili í Þýskalandi. Dís og Úði eru í okkar eigu. Ef smellt er á myndina sést hver er hvað. Ef áhugi er að skoða frekar ættir trippana er hægt að smella á "hryssur" hér til vinstri. Þar koma fram flestar hryssurnar á bænum og við nöfn afkvæmanna má sjá hver er faðir hvers.

Þessi hópur röltir á beit og fær ekki hey þó kominn sé 20.des. Svona er nú gæðunum misskipt. Í raun hafa þau lítið með það að gera að fá hey strax, spikfeit og loðin. Það er varla heppilegt þegar útigangshross eru alin þannig að þau fara að ganga úr hárum á miðjum vetri. En smá saman mun fækka í þessum hópi og fjölga í hópnum sem fær hey.