Árið virðist ætla að kveðja með kulda og snjó sem þýðir að minna er riðið út en maður vildi. Myrkvi kom heim í jólafrí en myndin er af honum og James tamningamanni. Einnig er Kardináli heima í fríi. Hann hefur verið í þjálfun á Hólum hjá nemanda á 3. ári og hefur hann staðið sig vel. Með óskum um gleðilegt hestaár og takk fyrir innlitið á árinu 2012.

Myrkvi fór að heiman í tamningu og gengur vel. Skrefstór myndarhestur hann Myrkvi. Nokkur hross eru inni hjá okkur. M.a. er Álfrún komin á járn og tilhlökkun að njóta hennar í vetur en hugmyndin er að halda henni næsta sumar. Dís systir hennar er á fjórða vetur og er nýkomin inn í tamningu ásamt þremur á 5. vetur. Myndin er af Ingvari og Álfrúnu.

Nóvember liðinn og vonandi að veðrið í Desember verði úrkomuminna og hagstæðara fyrir hrossin. Seldum Gleði Aþenu og Kappadóttur í haust þrátt fyrir að hún væri ekki á söluskrá en stundum er bara ekki hægt að segja nei. Óskum nýjum eig. til hamingju með þessa flottu hryssu og vonandi á hún eftir að standa sig.

Myndin er tekin að morgni 6.okt. þegar verið er að reka til réttar. Loksins fengum við frábært veður bæði í réttinni og smöluninni daginn áður. Fengum fullt af gestum báða dagana. Takk fyrir komuna og hjálpina og skemmtunina ! Næst er að huga að útflutningi en 3 hross bíða eftir að flytja á nýjar slóðir.