Nú um miðjan desember eru 6 hross á járnum í okkar eigu. Það eru fleiri en oftast áður á þessum árstíma. Álfrún,Stjörnunótt og Pía eru í þjálfun á Lækjamóti en hér heima eru Sóldögg og Auður komnar inn ásamt Kardínála sem er hér á mynd með eiganda sínum. Kardináli er faxprúður og flottur með frábært tölt. Spennandi hestur.

Útskriftarmynd af Flugu tekin í byrjun des. Fluga var eins og fluga og því ekki hægt að segja að þessi hryssa sé sjálftamin. Góður tími fór í nudd og slökun áður en hún fór að treysta manninum. En það er alltaf gaman að finna þegar trippi með lítið hjarta fer að treysa. Næst á dagskránni með Flugu er að láta athuga hvort hún hafi ekki örugglega fulla sjón !!

6. nóv. var allt stóðið rekið heim.Hrossin fengu ormalyf og sum fengu snyrta hófa og eða fax+tagl. Kardináli var tekin á hús og Elfa sem þurfti að halda honum félagsskap í haust leit út fyrir að vera fegin að sleppa í stóðið. Einnig voru Álfrún og Fluga teknar inn. Fluga fær sína frumtamningu og fer svo út aftur en Álfrúnu á að temja áfram í vetur.

Það var ánægjulegt að sjá að folöldin virtust vera við góða heilsu .En þessi kappi, sem deilir hér saltsteini með móður sinni, þurfti á lyfjameðferð að halda í haust vegna hestapestar. Búið er að slátra þeim folöldum sem ekki fengu líf og Ingvar búinn að örmerkja hin.Það er því eins gott fyrir þau sem eftir eru að vera bara spræk áfram.