Við fórum í ferð til Þýskalands um mánaðarmótin okt-nóv. Vorum nokkur saman og fórum víða. Hittum Marie aðeins og sýndi hún okkur Wisenhof. Hér erum við að heilsa upp á Gust frá Grund ásamt Marie og núverandi eiganda Gusts. Gustur lét ekki trufla sig frá kvöldmatnum.

Við fáum stundum sendar myndir frá þeim sem hafa keypt hross frá okkur.Þessi er af væntanlegum félögum Össu Gammsdóttur. Assa á að fara til Þýskalands í desember og fer í einangrunarhólfið sem Prins var í en hann flaug til Þýskalands þann 26.okt. Við rekum heim í byrjun nóvember til að sortera og undirbúa fyrir veturinn.

Það hefur verið nóg að gera frá því um stóðréttir, mest í kring um kindurnar. Nú eru Pia og Stjörnunótt farnar í áframhaldandi tamningu hjá Ísólfi á Lækjamóti og Álfrún fer svo fljótlega. Pia með sinn fótaburð ætti að geta orðið flott. Myndir af henni eru á sölusíðunni. Þessa mynd úr stóðréttinni fengum úr myndasafninu á Hvammstangablogginu. Takk Hlynur!

Skemmtileg stóðréttarhelgi að baki og allir gestir farnir , bæði menn og hross. Fengum frábæra hjálp við að reka heim. 10 manns unnu verkið í sameiningu og hér er hluti rekstarmanna að ríða í hlað. Munur eða þegar við erum tvö að glíma við verkefnið. Takk fyrir komuna og hjálpina.