Trippin komin í heimahaga, greinilega lúin eftir réttina eins og mannfólkið. Heimtum öll trippin sem betur fer en 20 fóru á heiðina í sumar.
18 komu heim þar sem 2 skiptu um aðsetur
og dvelja annars staðar í framtíðinni. Það eru veturgömul sem eru fremst á myndinni. Annað
í okkar eigu en hitt selt til Þýskalands.

Þetta er Þýskalandsdeildin. Það liggur fyrir þessum að flytja úr landi á næstu árum. Það minnkar þá eitthvað litadýrðin í hópnum eins og sjá má á hinni myndinni. En það jafnar sig vonandi aftur. Tvö unghross í okkar eigu eru að verða grá og svo hlýtur Aþena að koma með skjótt afkvæmi næsta vor..

Í Stóðréttinni er kvenfélagið Freyja í Víðidal með happdrætti þar sem aðalvinningurinn er folald. Þetta árið var folaldið frá okkur og það er hann Kanslari sem er hér á mynd með móður sinni. Óskum við vinningshafanum til hamingju og vonum að Kanslari eigi eftir að reynast vel.

Nú eru göngur og fjárréttir að baki og heldur betur farið að styttast í stóðréttir í Víðidal. Enda er orðið haustlegt. Hrossin orðin feit og flott eins og vera ber á þessum árstíma. Stóðréttir og allt sem þeim fylgir eru alltaf spennandi. Nú hefst stóðréttarhelgin á fimmtudegi með sölusýningu, svo er smölunin á föstudegi og sjálf réttin laugardaginn 2. okt.