Prins er á leiðinni til Þýskalands. Það þýðir að hann er kominn í einangrun samkvæmt ordrum að sunnan....eða voru það ordrur að norðan?? Hann er alla vega komin í sér hólf þar sem hann þarf að dvelja í 30 daga áður en hann kemst af stað til nýrra eigenda. Pia systir hans er með honum til að hann sé ekki einn þennan tíma.

Spurning og Djásn eru komnar heim frá Lækjamóti úr frumtamningunni. Planið er að þær fari aftur í áframhaldandi nám í vetur. Þessi mynd var tekin í sumar af Spurningu. Nóg er af ungum hryssum á bænum sem stefnt er á að fái tamningu hjá þeim á Lækjamóti í vetur. T.d. bindum við vonir við að Álfrún Álfasteinsdóttir komi heim af heiðinni tilbúin í frekari tamningu.

Marie er farin heim til Þýskalands. Hér eru þau Kaðall í fyrirsætustörfum en hún var mjög dugleg að þjálfa Kaðal í gerðinu í alls kyns æfingum. Reyndar var hún mjög dugleg að þjálfa hin hrossin líka og vorum við heppin að fá hana til okkar . Takk fyrir hjálpina með hrossin Marie ! Á sölusíðunni er mynd af Marie á uppáhalds hrossinu sínu, henni Auði !

Djásn og Spurning eru að fara á 4.vetur. Þær fengu ekki fararleyfi á heiðina í sumar. Báðar eru stórar og þroskaðar svo ákveðið var að temja þær í haust. Nú hlýtur haustið að vera komið því þær eru farnar í tamningu að Lækjamóti. Þær eru undan 1v. hestum, Djásn undan Kramsa frá Blesastöðum 1a og Spurning undan Gammi frá Steinnesi.