Stóðréttarhelgin að baki. 19 trippi frá okkur voru á heiðinni í sumar og eru 16 þeirra komin á haustbeitina. Assa er heima við og býr sig undir að flytja til Þýskalands. Myrkvi er með henni og fær sína frumtamningu þær 2 vikur sem líða þangað til Assa fer. Eitt trippi flutti suður á sunnudag. Myndin er tekin þegar rekið er til réttar á laugardagsmorgunin.

Það er alltaf gott þegar öll trippin hafa skilað sér í dilkinn. Gestir í réttinni voru með færra móti enda veðrið óþarflega leiðinlegt. Okkar gestir klikkuðu þó ekki. Hér eru þessi tvö búin að leggja á og tilbúin að reka heim. Það er frábært að fá hóp af rekstarmönnum ár eftir ár. Takk fyrir hjálpina og velkomin aftur !

2.sept. Hryssur og folöld eru komin á haustbeit ásamt nokkrum ungum tömdum hrossum. Tími eldri og reyndari reiðhrossa er núna því framundan eru smalamennskur. Stóðréttin verður 1. okt. Myndin sýnir meðal annars þau 4 folöld á bænum sem ekki eru undan Kardinála. Hægt er að sjá ættir með því að smella á hryssur hér til vinstri.

30.júlí eru þær 3 hryssur sem fóru að heiman undir stóðhesta ekki enn komnar heim. Plata fór undir Víði frá Prestbakka, Sök undir Brimni frá Efri-Fitjum og Þórir á Lækjamóti hélt Aþenu undir Freyði frá Leysingjastöðum. Aðrar eru í hólfi hjá Kardinála og eru myndirnar teknar þar. Folöldin eru öll undan honum og hægt að sjá þau betur ef smellt er á myndina.