17.júní var Kardinála sleppt í hólf með hryssunum sínum. Aþena, Plata, Sök og Náttdröfn fara undir aðra hesta, meira um það síðar. Marie er búin að vera í heimsókn frá Þýskalandi og hefur sýnt ótrúlega elju í útreiðunum í þessu endalausa roki. Nú eins og í fyrra er Auður í uppáhaldi. Á myndinni eru þær vinkonur á heimleið eftir vel heppnaðan reiðtúr

Vonandi fer að hlýna og spretta svo hægt sé að sleppa út veturgömlu trippunum. Myndin er af þeim og sést hver er hvað með því að smella á myndina. Um Sprett er ritað hér að neðan. Tímon er gestur og fer heim fljótlega. Gjöf er ekki í okkar eigu en verður hér. Askur er undan Arði frá Brautarholti, Fengur undan Kafteini frá Kommu og Konsert er undan Tenóri frá Túnsbergi.

Álfrún Álfasteinsdóttir var sýnd í kynbótadómi og voru væntingar um að hún stæði sig betur en hún svo gerði. Það verður því engin flott mynd af Álfrúnu nú en áhugasömum bent að skoða mynd af henni og James í myndasafninu. Hinn veturgamli Sprettur Kardinálason er fluttur að heiman og var þessi mynd tekin rétt áður en hann fór. Sprettur er seldur til Þýskalands.

Það má segja að sauðburði sé lokið þó aðeins sé 27. maí. Örfáar skjátur eftir. Nokkur folöld eru fædd eða alls 8 stykki. 1 hestur og 7 hryssur !! Hér má sjá folald sem líklega flokkast sem uppáhalds þetta vorið. Rauðskjótt hryssa undan Aþenu og Kappa frá Kommu. Nánar um folöldin þegar öll eru fædd.