Stjörnunótt kom heim úr töltnáminu í byrjun mars. Á miðri mynd má sjá árangurinn. Myndin sýnir líka Rökkva, Myrkva og Sóldögg. Öll eru þau undan 1.v. hestum og Náttdröfn. Hún gefur myndarleg hross sem við erum mjög ánægð með. Nánar um ættir má sjá með því að smella á hryssur hér til vinstri.

Kardináli er enn í okkar eigu og er því aftur til sölu. Daman sem ætlaði að kaupa klikkaði á einu smáatriði til að viðskiptin gengju upp en förum ekki nánar út í það. Kardináli er því aðal reiðhestur Ingvars í vetur en fer svo að heiman í þjálfun. 8 hross í okkar eigu eru á járnum og því nóg að gera í útreiðum með öðrum verkum.

Þessi mynd og næsta á undan sýna þau 3 folöld sem við eigum úr árgangi 2011. Sú skjótta er undan Aþenu og Kappa frá Kommu. Flott með fótaburð eins og hún á kyn til. Brúna folaldið á myndinni við hliðina er Kvika, líka flott og fer um á fínu tölti. Erpur og svo Dögun sem er seld til Þýskalands. Sjá nánar um ættir með því að smella á hryssur hér til vinstri.

Nú í byrjun Febrúar stendur til að taka Rökkva, Djásn og Myrkva inn. Stjörnunótt og Álfrún eru farnar að heiman í þjálfun. Það er búið að ganga vel með Stjörnunótt og er hún farin að sýna sig á tölti svo vonandi töltir hún út í eitt þegar hún kemur heim aftur. Álfrún verður hjá Ísólfi á Lækjamóti næstu mánuðina.